സംസ്ഥാനത്ത് സ്വർണവിലയിൽ ഇന്ന് വലിയ കുറവ് രേഖപ്പെടുത്തി. ഒറ്റയടിക്ക് ഒരു പവൻ സ്വർണത്തിന് ഇന്നലെയുണ്ടായ വർദ്ധനവ് മാറ്റിക്കൊണ്ട്, ഇന്ന് 3,680 രൂപയാണ് കുറഞ്ഞത്. ഇതോടെ വിപണിയിൽ ഒരു പവൻ സ്വർണത്തിന്റെ നിലവിലെ വില 1,13,240 രൂപയായി മാറി.ഗ്രാം സ്വർണത്തിന്റെ വിലയിലും കാര്യമായ കുറവുണ്ടായി. ഗ്രാമിന് 460 രൂപ കുറഞ്ഞതോടെ ഒരു ഗ്രാം സ്വർണത്തിന്റെ വില 14,155 രൂപയായി എത്തി.
കഴിഞ്ഞ കുറച്ച് ദിവസങ്ങളായി സ്വർണവിലയിൽ വലിയ രീതിയിലുള്ള ചാഞ്ചാട്ടങ്ങളാണ് ദൃശ്യമാകുന്നത്. ഇന്നലെ രാവിലെ പവന് ഏകദേശം 5,000 രൂപയോളം വർധനവ് രേഖപ്പെടുത്തിയതിന് പിന്നാലെ ഉച്ചയോടെ 800 രൂപയുടെ കുറവ് വന്നിരുന്നു. ഇതിന് പിന്നാലെയാണ് ഇന്ന് വീണ്ടും 3,680 രൂപയുടെ വലിയ ഇടിവ് രേഖപ്പെടുത്തിയിരിക്കുന്നത്. സ്വർണവിപണിയിലെ ഈ പെട്ടെന്നുള്ള മാറ്റം ഉപഭോക്താക്കൾക്ക് വലിയ ആശ്വാസമാണ് നൽകുന്നത്.
സംസ്ഥാനത്ത് സ്വർണവിലയിൽ ഇന്ന് വലിയ കുറവ് രേഖപ്പെടുത്തി.
