സംസ്ഥാനത്ത് പാചകവാതക വിലയിൽ വൻ വർദ്ധനവ്. ഗാർഹിക സിലിണ്ടറുകൾക്ക് 60 രൂപയും വാണിജ്യ സിലിണ്ടറുകൾക്ക് 115 രൂപയുമാണ് വർദ്ധിപ്പിച്ചത്. പുതുക്കിയ നിരക്കുകൾ ഇന്ന് മുതൽ പ്രാബല്യത്തിൽ വന്നു. നിത്യോപയോഗ സാധനങ്ങളുടെ വിലക്കയറ്റത്തിനിടയിൽ പാചകവാ തകത്തിന് വില കൂട്ടിയത് സാധാരണ കുടുംബങ്ങളുടെ ബജറ്റ് താളംതെറ്റിക്കും.
വില വർദ്ധനവോടെ കേരളത്തിൽ ഗാർഹിക സിലിണ്ടറിന്റെ വില 922 രൂപയായി ഉയർന്നു. നേരത്തെ ഇത് 853 രൂപയായിരുന്നു. വാണിജ്യ ആവശ്യ ങ്ങൾക്കുള്ള സിലിണ്ടറുകളുടെ വില 1890 രൂപയായും വർദ്ധിച്ചു. കഴിഞ്ഞ മാസവും വാണിജ്യ സിലിണ്ടറുകളുടെ വിലയിൽ വർദ്ധനവ് രേഖപ്പെടു ത്തിയിരുന്നു. ഹോട്ടലുകൾ, റെസ്റ്റോറന്റുകൾ, ചെറുകിട ലഘുഭക്ഷണ ശാലകൾ എന്നിവയ്ക്ക് വാണിജ്യ സിലിണ്ടറുകളുടെ വില വർദ്ധനവ് വലിയ തിരിച്ചടിയാകും.
പശ്ചിമേഷ്യയിൽ ഇറാൻ, ഇസ്രായേൽ, അമേരിക്ക എന്നിവർ ഉൾപ്പെട്ട യുദ്ധസാഹചര്യമാണ് നിലവിലെ പ്രതിസന്ധിക്ക് പ്രധാന കാരണമായി ചൂ ണ്ടിക്കാണിക്കപ്പെടുന്നത്. സംഘർഷം കടുത്തതോടെ ആഗോള വിപണിയിൽ ക്രൂഡ് ഓയിൽ വിലയിൽ വലിയ വർദ്ധനവുണ്ടായി. ഏകദേശം 11 ശതമാനത്തോളം വർദ്ധനവാണ് ഈ മേഖലയിൽ രേഖപ്പെടുത്തിയിരിക്കുന്നത്. ഇതാണ് പാചകവാതക വില ഉയരാൻ ഇടയാക്കിയത്.
വില കൂടുന്ന സാഹചര്യത്തിൽ പാചകവാതകം ബൾക്കായി വാങ്ങി സൂക്ഷിക്കുന്നത് ക്ഷാമത്തിന് കാരണമാകുമോ എന്ന ആശങ്ക പൊതുജന ങ്ങൾക്കിടയിലുണ്ട്. എന്നാൽ രാജ്യത്ത് പാചകവാതക ക്ഷാമം ഉണ്ടാകില്ലെന്ന് കേന്ദ്ര സർക്കാർ ഉറപ്പ് നൽകി. ആവശ്യത്തിന് സിലിണ്ടറുകളുടെ ലഭ്യത ഉറപ്പാക്കുമെന്നും പരിഭ്രാന്തരായി സ്റ്റോക്ക് ചെയ്യേണ്ട സാഹചര്യമില്ലെന്നും സർക്കാർ വൃത്തങ്ങൾ അറിയിച്ചു. എങ്കിലും, തുടർച്ചയായുണ്ടാ കുന്ന വിലക്കയറ്റം ജനജീവിതം ദുസ്സഹമാക്കുമെന്ന പ്രതിഷേധം ശക്തമാണ്.
സംസ്ഥാനത്ത് പാചകവാതക വിലയിൽ വൻ വർദ്ധനവ്.
