കൊടുങ്ങല്ലൂർ : ഓൺലൈൻ കേന്ദ്രത്തിൽ ജോലി ചെയ്യുന്ന യുവതിയുടെ ഫോണിലേക്ക് വാട്സ് ആപ്പ് വീഡിയോ കോൾ വിളിച്ച് മാനഹാനി വരുത്തിയതിന് യുവതിയുടെ പരാതിയിൽ രജിസ്റ്റർ ചെയ്ത കേസിലെ പ്രതിയായ എറണാകുളം തോപ്പുംപടി സ്വദേശി കട്ടിയാട്ട് വീട്ടിൽ ടോണി 32 വയസ്സ് എന്നയാളെയാണ് പോലീസ് അറസ്റ്റ് ചെയ്തത്. നടപടിക്രമങ്ങൾക്ക് ശേഷം കോടതിയിൽ ഹാജരാക്കിയ പ്രതിയെ റിമാന്റ് ചെയ്തു.
ടോണി തോപ്പുംപടി പോലീസ് സ്റ്റേഷനിൽ ലഹരിക്കടിമപ്പെട്ട് പൊതുജനശല്യം വരുത്തിയ കേസിലെ പ്രതിയാണ്.
പോലീസ് ഇൻസ്പെക്ടർ അരുൺ.ബി.കെ, എസ്.ഐ. സെബി എന്നിവരാണ് അന്വേഷണ സംഘത്തിലുള്ളത്.
യുവതിയെ വാട്സ് ആപ്പ് കോളിൽ വിളിച്ച് മാനഹാനി വരുത്തിയ കേസിലെ പ്രതി റിമാന്റിൽ
