തീരദേശത്ത് വീണ്ടും സിന്തറ്റിക് മയക്കുമരുന്നുമായി യുവാവ് പോലീസ് പിടിയിൽ

മതിലകം പോലീസ് സ്റ്റേഷൻ പരിധിയിലെ പൊരിബസാർ പടിഞ്ഞാറ് വാടകയ്ക്ക് താമസിക്കുന്ന
കൊടുങ്ങല്ലൂർ അഞ്ചങ്ങാടി
പുലാക്ക പറമ്പിൽ ലാൽകൃഷ്ണ എന്നയാളെയാണ് കൊടുങ്ങല്ലൂർ DYSP സലിഷ് N ശങ്കറിൻ്റെ നേതൃത്വത്തിൽ മതിലകം S I ബസന്ത്, S I മാരായ സുനിൽ P.C, പ്രദീപ് C.R, SCPO മാരായ ലിജു ഇയ്യാനി, സുമേഷ്, ബിജു, മാനുവൽ M.V, CPO നിഷാന്ത്, സ്പെഷ്യൽ ബ്രാഞ്ച് ASI മുഹമ്മദ് അഷ്റഫ് എന്നിവർ ചേർന്ന് പിടികൂടിയത്.
മതിലകം പൊലീസ് സ്റ്റേഷൻ പരിധിയിലെ പൊരിബസാറിൽ പ്രവർത്തിച്ചു വരുന്ന കമ്പനിയിലെ ജീവനക്കാരനായ പ്രതി, ജീവനക്കാർക്ക് കമ്പനി എടുത്ത് നൽകിയ വാടക കെട്ടിടത്തിൻ്റേ മറവിലാണ് മയക്കു മരുന്ന് കച്ചവടം നടത്തി വന്നിരുന്നത്.

കൊടുങ്ങല്ലൂർ ഡിവൈഎസ്പി ക്ക് ലഭിച്ച, തീരദേശ മേഖലയിൽ മയക്കുമരുന്നിൻ്റെ ഉപയോഗവും വിൽപനയും വർദ്ധിച്ചു വരുന്നു എന്നുള്ള പരാതികളിൽ, പ്രത്യേക പോലീസ് സംഘത്തിൻ്റെ അന്വേഷണത്തിൻ്റെ ശ്രമഫലമായാണ് പോലീസ് പ്രതിയെ 6.60 ഗ്രാം MDMA യുമായി പിടികൂടുന്നത്.
പ്രതിക്കു മയക്കു മരുന്ന് ലഭിച്ച ഉറവിടവും പ്രതി മയക്കു മരുന്ന് വില്പന നടത്തിയവരുടെയും വിശദ വിവരങ്ങൾ പോലീസ് അന്വേഷണം ആരംഭിച്ചു.