നടൻപന്തൽ കാൽനാട്ടു കർമ്മം നടന്നു

കൊടുങ്ങല്ലൂർ  ശ്രീ കുരുംബ ഭഗവതി   ക്ഷേത്രത്തിലെ  ഈ   വർഷത്തെ   മീനഭരണി   മഹോത്സവത്തിനോടനുബന്ധിച്ച്  ക്ഷേത്ര ഉപദേശക സമിതിയും ഭരണി അന്നദാന യജ്ഞസമിതിയും  സംയുക്തമായി   നടത്തുന്ന  അന്നദാനയജ്ഞത്തിന്റെ  പന്തൽ   കാൽനാട്ടു കർമ്മം 2024 മാർച്ച്  31  രാവിലെ  10 ന്  മഠത്തിൽ മഠം രവീന്ദ്രനാഥൻ അടികൾ നിർവ്വഹിച്ചു.  അന്നദാന യജ്ഞം നടക്കുന്ന സ്ഥലവും പരിസരവും നൂറോളം യജ്ഞ സേവകർ ചേർന്ന് ശുചീകരണം നടത്തി.  കാൽനാട്ടു ചടങ്ങിൽ   ഉപദേശക സമിതി ഭാരവാഹികളായ എ വിജയൻ, കെ വി മുരളീധരൻ, അന്നദാനയജ്ഞ   സമിതി   ഭാരവാഹികളായ  പ്രൊഫ. നാരായണൻ കുട്ടി  മേനോൻ,  മേജർ ജനറൽ വിവേകാനന്ദൻ, ദേവസ്വം  മാനേജർ   ശ്രീ വിനോദ് കുമാർ  എന്നിവർക്കൊപ്പം ഉപദേശക സമിതി അംഗങ്ങളും, നിരവധി യജ്ഞ സേവകരും പങ്കെടുത്തു.  2024 ഏപ്രിൽ 7 മുതൽ 9 വരെയാണ്‌ തെക്കേ നടയിൽ പ്രത്യേകം തയ്യാറാക്കുന്ന വേദിയിൽ അന്നദാനം നടത്തുന്നത്.  അന്നദാന യജ്ഞത്തിന്റെ ഉദ്ഘാടനം ഏപ്രിൽ 7 രാവിലെ 9.30ന് കൊച്ചിൻ ദേവസ്വം ബോർഡ് പ്രസിഡണ്ട് ഡോ. എം. കെ. സുദർശൻ നിർവ്വഹിയ്ക്കും.