കൂരിക്കുഴിയിൽ കത്തിക്കുത്ത് രണ്ട് പേർ ആശുപത്രിയിൽ

കയ്പമംഗലം കൂരിക്കുഴിൽ യുവാക്കൾ തമ്മിൽ ഏറ്റുമുട്ടി, രണ്ട് പേർക്ക് കുത്തേറ്റു. കൂരിക്കുഴി പതിനെട്ട്മുറി സ്വദേശികളായ പുതിയയവീട്ടിൽ ബിലാൽ (29), വലിയകത്ത് സിംസാം (32) എന്നിവർക്കാണ് കുത്തേറ്റത് സാരമായി പരിക്കേറ്റ ഇരുവരെയും കൊടുങ്ങല്ലൂർ എആർ ആശുപത്രിയിൽ പ്രവേശിപ്പിച്ചിട്ടുണ്ട്. ഇന്നലെ രാത്രി ഒൻപത് മണിയോടെയായിരുന്നു സംഭവം. യുവാക്കൾ തമ്മിൽ നേരത്തെ ഉണ്ടായിരുന്ന തർക്കം പറഞ്ഞു തീർക്കുന്നതിനിടെയാണ് കത്തിക്കുത്ത് ഉണ്ടായതെന്ന് പറയുന്നു. കയ്പമംഗലം പോലീസ് അന്വേഷണം ആരംഭിച്ചു. സംഭവവുമായി ബന്ധപ്പെട്ട് രണ്ട് പേരെ പോലീസ് കസ്റ്റഡിയിൽ എടുത്തതായി സൂചനയുണ്ട്