ഓണ്‍ലൈന്‍ ട്രേഡിങ്ങിന്റെ മറലില്‍ എടതിരിഞ്ഞി ചെട്ടിയാലില്‍ റിട്ട. അധ്യാപകനില്‍ നിന്നും 45 ലക്ഷം രൂപയോളം തട്ടിയെടുത്ത കേസില്‍ രണ്ട് പേരെ കൂടി കാട്ടൂര്‍ പോലീസ് അറസ്റ്റ് ചെയ്തു. കോഴിക്കോട് ബേപ്പൂര്‍ നടുവട്ടം സ്വദേശിയായ മാനകത്ത് വീട്ടില്‍ ജാസിര്‍ 32 വയസ്, കോഴിക്കോട് പുതിയങ്ങായി കോയ റോഡ് സ്വദേശിയായ ഷക്കീല്‍ റഹ്‌മാന്‍ 32 വയസ് എന്നിവരെയാണ് കാട്ടൂര്‍ പോലീസ് സ്റ്റേഷന്‍ ഇന്‍സ്‌പെക്ടറും സംഘവും അറസ്റ്റ് ചെയ്തത്. കഴിഞ്ഞ ദിവസം ഈ കേസുമായി ബന്ധപ്പെട്ട് കോഴിക്കോട് സ്വദേശിയായ ഒരു യുവതിയെ പോലീസ് പിടികൂടിയിരുന്നു. അധ്യാപകനില്‍ നിന്നും തട്ടിയെടുത്ത പണത്തില്‍ ഏഴര ലക്ഷം രൂപ ഈ യുവതിയുടെ അക്കൗണ്ടിലൂടെ മാറിയിതായി കണ്ടെത്തിയതിനെതുടര്‍ന്നാണ് യുവതിയെ പോലീസ് പിടികൂടിയത്. മാറിയെടുത്ത പണം ഇപ്പോള്‍ പിടിയിലായ യുവാക്കള്‍ക്കാണ് യുവതി കൈമാറിയിട്ടുള്ളതെന്നും 5000 രുപ കമ്മിഷന്‍ കൈപ്പറ്റിയതായും പോലീസ് കണ്ടെത്തിയിരുന്നു. തട്ടിപ്പ് നടത്തി ലഭിക്കുന്ന പണം നിര്‍ധനരായ യുവാക്കളുടെയും യുവതികളുടെയും അക്കൗണ്ടിലേയക്കയച്ച് ചെറിയ കമ്മിഷന്‍ നല്‍കി അവരെക്കൊണ്ട് പിന്‍വലിപ്പിക്കുന്ന സംഘത്തിലെ കണ്ണികളാണിവരെന്ന് പോലീസ് പറഞ്ഞു. കോടതിയില്‍ ഹാജരാക്കിയ ജാസിറിനെയും ഷക്കീല്‍ റഹ്‌മാനെയും റിമാന്റ് ചെയ്തു.
സൈബര്‍ തട്ടിപ്പ് രണ്ട് പേര്‍ കൂടി അറസ്റ്റില
