പെരിഞ്ഞനം കൊറ്റംകുളത്ത് ഹോട്ടലിൽ ഭക്ഷണം കഴിക്കാനെത്തിയ കുടുംബത്തിനെ ആക്രമിച്ച കേസിൽ യുവാവ് അറസ്റ്റിൽ. പെരിഞ്ഞനം പൊന്മാനിക്കുടം സ്വദേശി കാക്കരാലി വീട്ടിൽ സെമീർ (44) നെയാണ് കയ്പമംഗലം പോലീസ് അറസ്റ്റ് ചെയ്തത്.
കൊറ്റംകുളത്തുള്ള ഹോട്ടലിന്റെ മുൻ വശം പാർക്കിംഗ് ഏരിയയിൽ വെച്ച് ബുധനാഴ്ച്ച രാത്രി പതിനൊന്നരയോടെയായിരുന്നു സംഭവം. കൊറ്റംകുളം സ്വദേശിയായ മതിലകത്ത് വീട്ടിൽ സിജിലിനെ സ്ത്രീകളടക്കമുള്ള തന്റെ കുടുംബത്തിനെ അസഭ്യം പറഞ്ഞതിനെ ചോദ്യം ചെയ്തതിനുള്ള വിരോധത്താൽ കാറിന്റെ താക്കോലുപയോഗിച്ച് സിജിലിന്റെ മുഖത്തടിച്ചും ഇത് കണ്ട് തടയാൻ വന്ന ഉമ്മയേയും ഭാര്യയേയും മകളേയും ദേഹോപദ്രവമേൽപ്പിക്കുകയും മാനഹാനി വരുത്തിയ സംഭവത്തിലാണ് അറസ്റ്റ്. പ്രതിയെ കോടതി റിമാന്റ് ചെയ്തു.
കയ്പമംഗലം പോലീസ് ഇൻസ്പെക്ടർ കെ.ആർ.ബിജു, സബ്ബ് ഇൻസ്പെക്ടർ അഭിലാഷ്, എ എസ് ഐ അൻവറുദീൻ സീനിയർ സിവിൽ പോലീസ് ഓഫീസർ ഗിരീശൻ, സിവിൽ പോലീസ് ഓഫീസർ ഫറൂഖ് എന്നിവർ ചേർന്നാണ് പ്രതിയെ പിടികൂടിയത്.
