കൊടുങ്ങല്ലൂർ: ഉത്സവ നാളുകളിൽ സ്ഥിരമായി കൊടുങ്ങല്ലൂർ നഗരത്തിൽ വൈദ്യുതി ബന്ധം വിഛേദിച്ച് പൊതുജനത്തെയും വ്യാപാരികളെയും ബുദ്ധിമുട്ടിക്കുന്ന KSEB യുടെ ജനദ്രോഹ നടപടിക്കെതിരെ കൊടുങ്ങല്ലൂർ മർച്ചൻ്റ് അസോസിയേഷൻ ശക്തമായ പ്രതിഷേധം പ്രകടിപ്പിച്ചു .
കഴിഞ്ഞ വലിയ പെരുന്നാൾ , കൊടുങ്ങല്ലൂർ ഭരണി ഇപ്പോൾ വിഷു ആഘോഷത്തിന് തൊട്ട് മുൻപുള്ള വ്യാപാരം കൂടുതൽ നടക്കുന്ന ശനിയാഴ്ചയും കൊടുങ്ങല്ലൂരിൽ അറ്റകുറ്റ പണികൾ നടത്തുന്നു എന്ന പേരിൽ വൈദ്യുതി നിഷേധിക്കുന്നത് വ്യാപകമായിരിക്കുകയാണ് . ഉത്സവ സമയത്ത് അറ്റകുറ്റപണികൾ ഒഴിവാക്കി പവർ സപ്ലൈ തടസ്സമില്ലാതെ നൽകണമെന്ന ന്യായപരമായ ആവശ്യം വലിയ ധിക്കാരപരമായാണ് KSEB അധികൃതർ പ്രതികരിച്ചത് . ഈ സാഹചര്യത്തിലാണ് കൊടുങ്ങല്ലൂർ മർച്ചൻ്റ് അസോസിയേഷൻ സൂചന സമരവുമായി മുന്നോട്ട് പോകുന്നത്. ഇനിയും ഇത്തരം നടപടികൾ ആവർത്തിച്ചാൽ അതിശക്തമായ പരിപാടികൾക്ക് നേതൃത്വം നൽകാൻ തയ്യാറാകുമെന്ന് അസോസിയേഷൻ ഭാരവാഹികൾ അറിയിച്ചു.
പ്രസിഡണ്ട് N R വിനോദ് കുമാർ യോഗം ഉദ്ഘാടനം ചെയ്തു. ജനറൽ സെക്രട്ടറി T K ഷാജി അദ്ധ്യക്ഷത വഹിച്ചു. ട്രഷറർ K J ശ്രീജിത്ത്,P M മുഹിയുദ്ദീൻ,M S സാജു, വിനോദ് കക്കറ, പ്രശാന്ത് T P , സുപ്രഭ ഉണ്ണികൃഷ്ണൻ, ത്രിദീപ്, ഷയാസ്, രാധാകൃഷ്ണൻ, നജീബ്, എന്നിവർ യോഗത്തിന് നേതൃത്വം നൽകി.
