ഉടുമ്പിനെ വിഴുങ്ങിയ മലമ്പാമ്പ് വലയിൽ കുടുങ്ങിയ നിലയിൽ.

ഉടുമ്പിനെ വിഴുങ്ങിയ മലമ്പാമ്പ് വലയിൽ കുടുങ്ങിയ നിലയിൽ. പടിയൂർ വളവനങ്ങാടിയിലെ ചെമ്മീൻ കെട്ടിലെ വലയിലാണ് മലമ്പാമ്പ് കുടുങ്ങിയത്. ഉടുമ്പിനെ വിഴുങ്ങിയ നിലയിലായിരുന്നു പാമ്പ്. ചാലക്കുടി ഫോറസ്റ്റിന് കീഴിലുള്ള ആർ.ആർ.ടി അംഗം കൂളിമുട്ടം സ്വദേശി അൻസാരിയാണ് പാമ്പിനെ രക്ഷപ്പെടുത്തി. പിടികൂടിയ മലമ്പാമ്പിന് ഒമ്പത് അടി നീളവും 30 കിലോ തൂക്കവുമുണ്ട്. മലമ്പാമ്പിനെ ഫോറസ്റ്റ് അധികൃതർക്ക് കൈമാറും.