പുതുക്കാട്: ദേശീയപാതയില് നിന്നും നിയന്ത്രണംവിട്ട കെഎസ്ആര്ടിസി ബസ് പാഞ്ഞുകയറി വഴിയാത്രക്കാരിയായ സ്ത്രീ മരിച്ചു. പുതുക്കാട് കാഞ്ഞൂര് പൊരന്തരപ്പിള്ളി വീട്ടില് റോയ്സന്റെ ഭാര്യ സിന്ധുവാണ് (49) മരിച്ചത്. ഇന്നുരാവിലെ ഏഴിനായിരുന്നു സംഭവം. ബസ് ദേശീയപാതയോരത്തെ കടയിലേക്ക് ഇടിച്ചു നില്ക്കുകയായിരുന്നു. മകളെ ബസ് കയറ്റാന് എത്തിയ സിന്ധു തിരിച്ചുപോകാന് സ്കൂട്ടറിനടത്തേക്ക് പോകുന്നതിനിടെയാണ് ബസ് നിയന്ത്രണംവിട്ട് ഇടിച്ചത്. തല്ക്ഷണം മരിച്ചു. സിന്ധുവിന്റെ മൃതദേഹം പുതുക്കാട് താലൂക്ക് ആശുപത്രി മോര്ച്ചറിയിലേക്ക് മാറ്റി. പുതുക്കാട് ഡിപോയില് നിന്നും ബസ് എടുത്ത് ചാലക്കുടി ഭാഗത്തേക്ക് പോകുന്നതിനിടെ ഡ്രൈവര്ക്ക് ദേഹാസ്വസ്ഥ്യം ഉണ്ടായതാണ് അപകടകാരണമെന്ന് പറയുന്നു. അപകടത്തില്പെടുമ്പോള് ഡ്രൈവര് കുഴഞ്ഞവീണ നിലയിലായിരുന്നുവെന്നും നാട്ടുകാര് പറയുന്നു.
ദേശീയപാതയിൽ KSRTC ബസ് ഇടിച്ചു; സ്ത്രീ മരിച്ചു
