മാള: കായിക-ന്യൂനപക്ഷ ക്ഷേമ വകുപ്പ് മന്ത്രിയും കൊടിങ്ങല്ലൂർ എം.എൽ.എയുമായ ഒ. ജെ. ജനീഷ് മാള പോലീസ് സ്റ്റേഷനിൽ അപ്രതീക്ഷിത സന്ദർശനം നടത്തി. സ്റ്റേഷന്റെ പ്രവർത്തനങ്ങളും അവിടുത്തെ അടിസ്ഥാന സൗകര്യങ്ങളും നേരിട്ട് വിലയിരുത്തുന്നതിനായിരുന്നു മന്ത്രിയുടെ സന്ദർശനം.
വർഷങ്ങളായി സ്റ്റേഷൻ കെട്ടിടത്തിന്റെ വിവിധ ഭാഗങ്ങളിൽ ചോർച്ചയുണ്ടെന്നും, കെട്ടിടം വളരെ ശോചനീയാവസ്ഥയിലാണെന്നും മന്ത്രി നേരിൽ കണ്ടു ബോധ്യപ്പെട്ടു. കെട്ടിടത്തിന്റെ ഈ ശോചനീയാവസ്ഥ പരിഹരിക്കുന്നതിനായി ആവശ്യമായ അടിയന്തര നടപടികൾ സ്വീകരിക്കുമെന്ന് മന്ത്രി ഉറപ്പുനൽകി.
സന്ദർശനത്തിനിടെ സ്റ്റേഷനിലെ ദൈനംദിന പ്രവർത്തനങ്ങൾ വിലയിരുത്തിയ മന്ത്രി, പോലീസ് ഉദ്യോഗസ്ഥരുമായി പ്രത്യേക ചർച്ചയും നടത്തി. പൊതുജനങ്ങൾക്ക് കൂടുതൽ കാര്യക്ഷമമായ സേവനങ്ങൾ ഉറപ്പാക്കുന്നതിനുള്ള നിർദ്ദേശങ്ങളും അദ്ദേഹം ഉദ്യോഗസ്ഥർക്ക് നൽകി. ഉദ്യോഗസ്ഥരുമായി ആശയവിനിമയം നടത്തിയ ശേഷമാണ് മന്ത്രി സ്റ്റേഷനിൽ നിന്നും മടങ്ങിയത്.
മാള പോലീസ് സ്റ്റേഷനിൽ മന്ത്രി ഒ. ജെ. ജനീഷിന്റെ അപ്രതീക്ഷിത സന്ദർശനം
