കോട്ടപ്പുറം: വിവാഹജീവിതത്തിലേക്ക് ചുവടുവെക്കുന്ന അനുപമയുടെയും ഡിൻസന്റെയും മനസ്സമ്മത ചടങ്ങ് കാരുണ്യത്തിന്റെ സന്ദേശം പകർന്ന് ശ്രദ്ധേയമായി. പൊതുപ്രവർത്തകനും നിരവധി സംഘടനകളിലെ അംഗവും, കോട്ടപ്പുറം മുസിരീസ് ലയൺസ് ക്ലബ് ചാർട്ടർ പ്രസിഡണ്ടുമായ പി റ്റി മാർട്ടിൻ – സാലി ദമ്പതികളുടെ മകൾ അനുപമയുടെ മന: സമ്മത ദിനത്തിലാണ് സഹായം നൽകിയത്.
കോട്ടപ്പുറം ലയൺസ് ക്ലബ്ബ് മുഖേന എട്ടു പേർക്കും , ഡയാലിസിസ് ചെയ്യുന്നതിന് എല്ലാ മാസവും സഹായം നൽകുന്ന ആവെമരിയ സംഘടനക്കും ഫണ്ട് കൈമാറി. കിഡ്നി രോഗത്താൽ സാമ്പത്തികമായി വലയുന്നവർക്ക് ആശ്വാസമേകുന്ന ഈ തീരുമാനത്തിന് കുടുംമ്പത്തിന്റെ പൂർണ്ണ പിന്തുണയുമുണ്ടായിരുന്നു.
സ്വന്തം സന്തോഷത്തിൽ മറ്റുള്ളവരുടെ വേദനയും ചേർത്തുപിടിച്ച്, രോഗബാധിതർക്ക് ആശ്വാസമേകാനുള്ള ഈ സ്നേഹപൂർവമായ തീരുമാനം സമൂഹത്തിന് വലിയൊരു സന്ദേശമാണ് നൽകുന്നത്. ആഘോഷങ്ങളുടെ തിളക്കത്തേക്കാൾ വിലപ്പെട്ടത് സഹജീവികൾക്ക് പകരുന്ന പ്രതീക്ഷയാണെന്ന് ഓർമിപ്പിക്കുന്ന ഈ പ്രവർത്തനം മാനവികതയുടെയും സാമൂഹിക പ്രതിബദ്ധതയുടെയും ഉത്തമ മാതൃകയാണ്.
സമൂഹത്തിൽ വർദ്ധിച്ചുവരുന്ന ആർഭാട സംസ്കാരത്തിന് പകരമായി, കാരുണ്യത്തിന്റെയും സഹജീവി സ്നേഹത്തിന്റെയും പുതിയൊരു സംസ്കാരം വളർത്തിയെടുക്കാൻ ഇത് മറ്റുള്ളവർക്ക് പ്രചോദനമാകും.തങ്ങളുടെ ജീവിതത്തിലെ സന്തോഷ നിമിഷങ്ങൾ മറ്റൊരു വ്യക്തിയുടെ കണ്ണീരൊപ്പാൻ സഹായിച്ചതിലൂടെ ലഭിക്കുന്ന ആത്മസംതൃപ്തിയാണ് ഇതിലൂടെ ലഭിക്കുന്ന ഏറ്റവും വലിയ നേട്ടവും.ഇങ്ങനെയുള്ള കാരുണ്യപ്രവർത്തനങ്ങളിൽ പങ്കാളികളാകാൻ ആഗ്രഹിക്കുന്നവർക്ക് പ്രാദേശികമായ പെയിൻ ആൻഡ് പാലിയേറ്റീവ് കെയർ യൂണിറ്റുകൾ, സന്നദ്ധ സംഘടനകൾ, അല്ലെങ്കിൽ സർക്കാർ ആശുപത്രികളിലെ രോഗീസഹായ സമിതികൾ എന്നിവ വഴി അർഹരായ രോഗികളിലേക്ക് സഹായങ്ങൾ എത്തിക്കാവുന്നതാണ്.
മനസ്സമ്മത ആഘോഷം ചുരുക്കി; തുക ഡയാലിസിസ് രോഗികൾക്ക് നൽകി മാതൃകയായി അനുപമയും ഡിൻസണും
